Boiro: o Festival de Baile de Escarabote, este sábado 14 de agosto

Peirao de Escarabote

Boiro, 9 de agosto de 2010. Como todos os anos, o grupo de baile Aroña de Escarabote (Boiro) organiza o seu festival. Nesta edición contan coa participación de Airiños da Lagoa (Baiña- Baiona), Pandereteiras Nunca é tarde e Vai de Roda (Rianxo) entre outros.

Saen ás 19:30 do Pontellón, cun enxebre pasarrúas polo pobo ata chegar ao porto de Escarabote. "Estades todos convidados!
NON FALTEDES!!", din dende a organización.

Posted via email from Certo.gl, o xornal dixital de Barbanza e Noia

Infraestruturas: o Plan Auga da Xunta prevé depósitos en Escarabote e Boiro para reforzar as redes actuais de abastecemento

O río Pedras é un dos que abastece de auga aos veciños de Barbanza

Boiro, 9 de agosto de 2010.- A Consellería de Medio Ambiente, Territorio e Infraestruturas, a través de Augas de Galicia, inviste un total de 15,3 millóns de euros nas actuacións de mellora que o Plan Auga contempla nos sistema de abastecemento do Barbanza, que da servizo ás localidades nas localidades de Ribeira, Boiro, Pobra do Caramiñal, Padrón, Valga, Catoira, Dodro e Pontecesures.

Augas de Galicia, tras analizar o estado actual do sistema de abastecemento destes municipios coruñeses, detecta diversas deficiencias. Deste xeito, obsérvase que existe déficit de produción en estacións de tratamento de auga potable (ETAPs), polo que se define a necesidade de ampliación. Tamén se aprecia un déficit de regulación en depósitos que será arranxado mediante a execución do citado proxecto hidráulico.

ESTADO ACTUAL DO SISTEMA DE ABASTECEMENTO

O sistema de abastecemento de Barbanza está composto polos seguintes elementos:
- Captacións: nos ríos Ulla, Té, Sieira, Pedras e en diversos mananciais
- ETAP de Padrón: trata a auga procedente do río Ulla, cunha capacidade de 212 l/s
- ETAP de Barbanza: 23 l/s
- ETAP de Boiro: 70 l/s
- ETAP de Pobra: 20 l/s
- ETAP de Pontecesures: 350 l/s
- Depósitos: capacidade total de 63.456 m3

O Plan Auga preséntase como unha solución a todas as citadas carencias en infraestruturas hidráulicas e destina un total de 15,3 millóns de euros que se distribuirán na posta en marcha de captacións, bombeos, depósitos, unha ETAP e conducións. Estas novas infraestruturas, que se mostran a continuación no seguinte cadro, beneficiarán a un total de 113.971 habitantes da zona do Barbanza.

PLAN AUGA- INVESTIMENTOS NO BARBANZA
ACTUACIÓNS IMPORTE
Bombeos 474.493 euros
Depósitos 604.000 euros
ETAP 2,7 M euros
Conducións 11,4 M euros
Xestión de demanda 97.272 euros
INVESTIMENTO TOTAL 15,3 M euros

Fonte de Cariño, Boiro

Obras previstas

A Xunta de Galicia, mediante o Plan Auga, propón varias actuacións entre as que cabe destacar a ampliación do bombeo da ETAP de Padrón e a construción dun depósito secundario de 8 l/s. Ademais, construiranse tres novos depósitos cunha capacidade total de 2.000 m3. O primeiro, en Pontecesures, para reforzar o depósito actual, anexo á ETAP; o segundo, en Boiro, para poder satisfacer as necesidades futuras estimadas en 12.000 m3; e o último, en Escarabote, como reforzo do sistema de Boiro nesta zona.

O Plan Auga abrangue a ampliación da ETAP de Padrón, situada concretamente no Casal. A capacidade actual é de 212 l/s e proponse ampliar ata 300 l/s, co fin de satisfacer as demandas previstas en 2025, estimadas nuns 500 l/s.

Augas de Galicia tamén proxecta a construción dun cinto norte/ sur en Padrón, de 5.000 m de lonxitude e 200 mm de diámetro co obxecto de reforzar o abastecemento nesta área e solucionar as deficiencias da rede debido a que os diámetros actuais resultan insuficientes.

Posted via email from Certo.gl, o xornal dixital de Barbanza e Noia

Porto do Son: o luthier Xosé de Tubío, "Nebra", participou na XVII Mostra de Instrumentos do Festival de Pardiñas

Porto do Son, 9 de agosto de 2010. Xosé Piñeiro Pérez, Xosé de Tubío, participou a fin de semana pasada no Festival de Pardiñas, na súa tradicional Mostra de Instrumentos, que xa acadou a edición 17.

 
"Nebra", como é coñecido este artesán, porque nesta parroquia sonense naceu, constrúe sobre todo gaitas e zanfonas. Dende moi novo iniciouse na artesanía da man do seu pai, co que aprendeu a traballar e tornear a madeira.

Estudou gaita na escola de Música Tradicional de Porto do Son e comezou a facer gaitas mentres aprendía a coller habilidades con este instrumento.

Torno de varas para facer pezas para as gaitas

Integrante da banda de gaitas Suevia dende que se fundou en 1998, tamén estudou zanfona no Conservatorio Folk de Lalín (Pontevedra).

Zanfona
Publicou varios artigos sobre construción de gaitas e imparte cursos de artesanía de instrumentos en colexios e asociacións.

Posted via email from Certo.gl, o xornal dixital de Barbanza e Noia

Ribeira: o GalleRock 2010, do mércores 11 ao sábado 14 de agosto

Ribeira, 9 de agosto de 2010. A quinta edición do GalleRock chega esta semana a Ribeira con catro días repletos de variadas actividades, como concertos, proxeccións cinematográficas, unha charla coloquio e unha sardiñada. A cita foi presentada hoxe na Casa do Concello por Daniel González e Javier González, membros do colectivo organizador (Asociación Cultural e Deportiva Bastantes Llon) e Vicente García, concelleiro de Xuventude e Turismo local, que colabora no desenvolvemento do certame representando ao Concello. 

A programación comezará  cunha exposición de curtametraxes galegas diante do Auditorio Municipal. Esta actividade terá lugar o mércores día 11 ás 22 horas e o xoves ás 20 horas.  

O venres 13 de agosto terá lugar ás 20.30 unha charla coloquio sobre a procedencia de Cristobal Colón na praza de Compostela que será impartida polo escritor galego Rodrigo Cota. A continuación (en torno ás 22 horas), a praza Diego Delicado será escenario da actuación dos grupos “Auga de Beber” e “Rumba Gipsy”. 

O prato forte do festival chegará o sábado 14. Así, a partir das 13 horas celebrarase unha gran sardiñada nas inmediacións do Auditorio, que estará  acompañada dunha paella cortesía da tasca Obradoiro. Mentres que no paseo de Coroso á altura da UAD desenvolveranse tres concertos a partir das 23 horas. Serán ofrecidos polos grupos Zenzar (grupo de rock formado en Meirama-Cerceda a finais de 1987) Kogito (banda portuguesa que amosa un directo cheo de ska, punk-rock, reggae e mestizaxe) e “A Compañía do Ruído”, coñecida formación local que regresa aos escenarios de Santa Uxía. 

Desde a organización quíxose lanzar aos espectadores unha mensaxe de civismo e máximo respecto para todos.

 

See and download the full gallery on posterous

Posted via email from Certo.gl, o xornal dixital de Barbanza e Noia

Ribeira: presentadas oficialmente as Xuventudes Socialistas desta cidade

Imaxe da presentación oficial

Ribeira, 9 de agosto de 2010. Un grupo de mozos e mozas da cidade de Ribeira crearon e presentan de xeito oficial as Xuventudes Socialistas desta localidade. Segundo explican, esta é "a organización xuvenil do partido Socialista de Ribeira (PSdeG-PSOE), que nace como grupo transmisor dos xóvenes ribeirenses".

A nivel organizativo depende das Xuventudes Socialistas de Galicia e a súa vez de Juventudes Socialistas de España. Defínese como "socialista e galeguista" e na súa  ideoloxía están asentadas "a liberdade, a igualdade, a solidariedade, a tolerancia, a participación, o desenvolvemento sostible, o pacifismo, o republicanismo e o federalismo".

Na primeira asemblea creáronse as bases para a formación dunha executiva local de
Xuventudes e a realización da liña de traballo. A asemblea local de xuventudes acordou estes orgánicos:

• Secretaria Xeral: Antía Regueira
• Secretaria de Organización: Deli Garcia Mos
• Secretario de Politica Municipal e Acción Politica: Adrián Romay
• Secretaria Area de Igualdade: Melisa Martinez Dios
• Secretario de Adeministración: Juanjo
• Tesoureiro: Diego

Tamén se crearon documentos de traballo para o funcionamento da agrupación. Con
estes documentos, pretenden participar de forma activa no movemento asociativo da vila, nas rúas, nos institutos e centros de traballo intentando recoller o punto de vista do mozos e mozas e canalizalas como propostas para resolver problemas e preocupacións da mocidade.

Posted via email from Certo.gl, o xornal dixital de Barbanza e Noia

Ribeira: Altofalante adica o Día da Galiza Mártir a Manuel Lustres Rivas, o vindeiro sábado 14 de agosto

Ribeira, 9 de agosto de 2010. A asociación cultural Altofalante conmemora en Ribeira o Día da Galiza Mártir cunha actividade que se desenvolverá o vindeiro sábado día 14 ás 20:30 na Rúa Lustres Rivas de Ribeira. Convidan a participar a todas as persoas que así o desexen.

Fillo predilecto de Ribeira, Manuel Lustres Rivas foi un político nacionalista, agrarista, ilustre xornalista e loitador incansábel das liberdades, polas cales sacrificou a súa propia vida. Nos primeiros días do golpe militar foi detido e encarcerado na illa de San Simón. Asasinado o 10 de novembro de 1936, o seu corpo sen vida apareceu na gabia dunha estrada de Redondela.

Programa do acto:

    * 20:30 h. BENVIDA na Rúa Lustres Rivas aos /ás asistentes por parte de Xosé Antonio Vázquez Cobas, presidente da A.C. Altofalante
    * 20:45 h. SEMBLANTE BIOGRÁFICO DE LUSTRES RIVAS. Será a cargo de Luís Teira, directivo da A.C. Altofalante e concelleiro do BNG en Ribeira, que lerá unha breve biografía do homenaxeado.
    * 21:00h. OFRENDA FLORAL preto da placa de Lustres Rivas e AGASALLO aos asistentes dunha breve BIOGRAFÍA de Manuel Lustres Rivas.
    * 21:10h. PASARRÚAS pola RÚA DE GALICIA ata chegar a Rúa ALEXANDRE BÓVEDA.
    * 21:15 h. INTERVENCIÓN POÉTICA. Homenaxe a Alexandre Bóveda a cargo de Antón Parada Bretal.
    * 21:30 h: OFRENDA FLORAL na Rúa Alexandre Bóveda.
Amenizarán os maestros gaiteiros Pepe Romero e Maño, que interpretarán diversas pezas na memoria de Lustres Rivas.

Imaxe do acto celebrado en 2009, en homenaxe a Alexandre Bóveda

Día da Galiza Mártir

  
Por iniciativa dos galegos no exilio e na emigración, o día 17 de agosto foi proclamado Día da Galiza Mártir en nome de Alexandre Bóveda e de todos os demócratas e nacionalistas desaparecidos a consecuencia do alzamento fascista de 1936. 

Ola.! Polo presente envio nota de prensa e cartaz do acto que a asociación cultural Altofalante de Ribeira organiza,  no día da Galiza Mártir, en Homenaxe a Manuel Lustres Rivas. Recibe un saúdo. Xosé Antonio Vázquez Cobas. Presidente da A.C. Altofalante.

Posted via email from Certo.gl, o xornal dixital de Barbanza e Noia

Noia: cartel e programa completo das Festas de San Bartolomeu (21 a 26 de agosto)

A autora do cartel é Eva Moreno, artista noiesa e profesora de arte.

Se non consegue abrir co seu navegador o programa (está en formato word 2007), lea a continuación o mesmo en formato de texto plano:

SAN BARTOLOMEU 2010

SÁBADO 21

Bombas de palenque

Dianas e alboradas a cargo da agrupación folclórica OS SALGUEIRIÑOS

Vehículo Segway

11:30 – 13:30 Actividades para cativos na alameda: circuíto en SEGWAY

13:00 Grupo de pandereteiras AIRIÑOS DE SAN MARTIÑO na Alameda
   
12:00 Exhibición de Taekwondo na Alameda a cargo do Club de Taekwondo
Maniotas

17:00 a 20:00 Actividades para cativos na alameda: circuíto en SEGWAY

17:00 VIIº Campionato San Bartolomeu de Chave no Campo da Feira

19:00 Deporte: XIV Carreira Pedestre Popular organizada polo Club de Atletismo Noia

21:00 X Encontro de Habaneras na igrexa de San Martiño coa Coral Agustín González de Louro, Coral Neria da Costa da Morte (Cee), Coral Polifónica de Noia e Coral da Sociedade Liceo de Noia.

22:00 Pasarrúas a cargo da agrupación folclórica PEDRA QUENTE

22:15 Pregón a cargo da periodista noiesa Loli Gómez dende a Casa do Concello

22:30 XUNTANZA DE CANTANTES NOIESES na Alameda

24:00 Verbena na Alameda coa orquestra

LATINO Y JOSÉ COSTAS

23:00 Concerto na Praza do Tapal

VOLTAICA
CRÓ!

DOMINGO 22

Bombas de palenque

Dianas e alboradas a cargo da agrupación folclórica A SUBELA

11:00 – 13:30 Actividades para cativos na alameda: circuíto en SEGWAY

13:00 Concerto da Banda de Música Municipal de Noia (Alameda)

17:00 a 20:00 Actividades para cativos na alameda: circuíto en SEGWAY

17:00 VIIº Campionato San Bartolomeu de Chave no Campo da Feira

19:00 Pasarrúas a cargo do grupo de mariachis LOS CAPORALES

22:00 Verbena na alameda coas orquestra

                   
TAMBO
               
                   
21:00 Concerto na Praza do Tapal

AGRUPACIÓN ARTÍSTICA FERROLANA BOHEMIOS
LOS CAPORALES

LUNS 23

Bombas de palenque

Dianas e alboradas a cargo da agrupación folclórica AIRIÑOS DO MAR

11:00 - 13:30 Actividades para cativos na alameda: circuíto en SEGWAY

17:00 VIIº Campionato San Bartolomeu de Chave no Campo da Feira

17:00 – 20:00 Actividades para cativos na alameda: circuíto en SEGWAY

19:00 Animación de rúa a cargo de Pista Catro co espectáculo TRASNO na Praza do Cantón

20:00 Partido de fútbol F.C. NOIA contra o equipo de veteranos do DEPORTIVO DE A CORUÑA

22:30 Verbena na alameda coas orquestras
      
JERUSALEN
PONTEVEDRA                 

22:30 Concerto na Praza do Tapal

PARANOJAZZ

MARTES 24 (San Bartolomeu)

Bombas de palenque

Dianas e alboradas a cargo da Banda de Música Municipal de Noia

11:00 - 13:30 Actividades para cativos: inchables na Alameda

13:00 Concerto da Banda de Música Municipal de Noia (Alameda)

17:00 VII Campionato San Bartolomeu de Chave no Campo da Feira

17:00 – 20:00 Actividades para cativos: inchables na Alameda

19:00 Encontro de bandas diante do concello:

Banda de música municipal de Noia
Banda de música de O Carballiño
Banda da escola de música de Rianxo

22:00 Verbena na alameda coa orquestra

               
SALSA ROSA

               

 22:30 Concerto no patio do IES Campo de San Alberto

MIGUEL BOSÉ (máis información aquí)

MÉRCORES 25 (San Lois)

Bombas de palenque

Dianas e alboradas a cargo da agrupación folclórica OS SALGUEIRIÑOS

12:00 a 14:00 DÍA DO DEPORTE NA RÚA (diferentes disciplinas deportivas coa colaboración dos clubs deportivos locais) na Alameda e no Campo da Feira

17:00 DÍA DA BICICLETA na Alameda

18:00 CAMPUS PARA NENOS co XACOBEO LOBELLE 2010 (División de Honra) no pavillón polideportivo municipal Rosalía de Castro

20:30 Partido de fútbol sala NOIA F.S. – XACOBEO LOBELLE 2010 (División de Honra) no pavillón polideportivo municipal Rosalía de Castro

23:00 Verbena na Alameda coas orquestra

PANORAMA

                   
22:30 Concerto no Tapal  

PESDELÁN

XOVES 26 (San Roque)

Bombas de palenque

Dianas e alboradas a cargo da  Banda de Música Municipal de Noia

11:00 – 13:30 Actividades para cativos: Inchables na Alameda

13:00 Concerto da Banda de Música Municipal de Noia (Alameda)

17:00 – 20:00 Actividades para cativos: Inchables na Alameda

18:00 Campeonato de pesca para nenos no Malecón de Cadarso

20:30 Misa en honra a San Roque cantada pola Coral Polifónica de Noia.

21:30 Procesión de San Roque

23:00 Verbena na alameda coa orquestra

PARIS DE NOIA

22:30 Concerto no Tapal 

FÍA NA ROCA

00:00 Sesión de Fogos de Artificio “Espectáculo Piromusical” no Peirao do Marqués a cargo da Pirotecnia Xaraiba

00:30 Noite de Berros na Praza do Tapal co monologuista

ROBER BODEGAS

Exposicións

Salón de Plenos – Exposición de maquetas de barcos de Manuel González
Videla e exposición de bastóns artesanais de Benigno Lorenzo España.

Claustro do concello (1º Andar) – Exposición dunha colección de motores en miniatura en funcionamento construídos de xeito artesanal  (charlas de navegación por Segundo López). Motores Patelo

Claustro do concello - As mulleres tamén emigran – Exposición que recolle o fenómeno migratorio en Galicia centrado no papel da muller na emigración. O material exposto foi cedido pola Fundación 10 de Marzo.

Do 18 ao 29 de agosto –  mañá de 11:30 ás 14:30  tarde de 19:00 ás 21:30
                  

 

Download now or preview on posterous

SAN BARTOLOMEU 2010.docx (55 KB)

Posted via email from Certo.gl, o xornal dixital de Barbanza e Noia

Ribeira: recepción ás raíñas da Flor e obsequios aos veciños das parroquias con mellores xardíns

Ribeira, 9 de agosto de 2010. O alcalde José Luis Torres Colomer recibiu hoxe no salón plenario da Casa Consistorial ás diferentes raíñas da flor coroadas no día de onte con ocasión das Festas do Verán. As mesmas estiveron acompañadas dos seus xardineiros e damas de honra, nun acto no que estiveron tamén presentes na mesa presidencial a primeira tenente de alcalde Dolores Elorduy e a presidenta da Asociación de Amas de Casa, Magdalena Bringas. Asistiron a raíña das festas, Eliana Castro Fernández, e as súas damas de honra, María Pérez Diz e Raquel Graña Oujo.

As raíñas xuvenís son: Isabel Dios Bouzón (Carreira), Jenny Dios Caamaño (Artes), Alba Santos (Palmeira), Judit Hermo Fernández (Castiñeiras), Yesenia Vázquez Maneiro (Olveira), Anabel Pérez (Aguiño), Fátima Mayo (Oleiros) e Ana Mayán Blanco (Santa Uxía). 

As raíñas infantís son: Uxía Núñez Maneiro (Corrubedo), María Castrelo Vidal (Artes), María Martínez Pego (Olveira), Sofía Murciego García (Palmeira), María Puga Sampedro (Carreira), Carmen Pena García (Santa Uxía), Elaya Mancio Cayón (Castiñeiras),  Sara Fernández Ramayo (Aguiño) e Tania Rodríguez González (Oleiros). 

Premios aos xardíns

Así mesmo, o acto serviu tamén para entregar uns obsequios conmemorativos aos donos particulares de xardíns das nove parroquias que pola súa beleza foron agraciados con motivo do Día da Flor. Estes xardíns pertencen aos seguintes veciños: Dositeo Fernández (Olveira), Francis Romay (Corrubedo), Rosa Suárez (Artes), Patina Blanco (Aguiño), María Dolores Crujeiras (Carreira), Juana Doce (Castiñeiras), Rosa María Franco (Palmeira), Manola Salnés (Oleiros) e Teresa Dios (Santa Uxía). 

Así mesmo, distínguese de xeito colectivo aos veciños do Rueiro de Arriba e do Rueiro de Abaixo de Bretal (parroquia de Olveira), nos que serán colocadas sendas placas de pedra que aluden a esta distinción e que foron exhibidas durante o acto desenvolvido hoxe.

 

 

See and download the full gallery on posterous

Posted via email from Certo.gl, o xornal dixital de Barbanza e Noia