29.11.11

A Pobra: este venres 2 de decembro presentan un libro sobre a heráldica da vila no Liceo Pueblense

Pobra_herldica

Media_httpfarm4static_gcdfh

A Pobra, 29 de novembro de 2011. Este venres vindeiro, 2 de decembro, terá lugar no Liceo Pueblense a presentación do libro -editado polo mesmo Liceo- titulado "Heráldica de A Pobra do Caramiñal. Sus linajes". O autor é José Ramiro Villoch Herrera, integrante do Liceo Pueblense. Con el colaborou, coas ilustracións, Abelardo Soler Torrente.


O acto comeza ás oito da tarde, na sede do Liceo, sito na rúa da Paz, 27.

Máis info en

Posted via email from Certo.gl, o xornal dixital de Barbanza e Noia

Política: o Psoe desvela máis irregularidades co emprego público, desta volta en Turgalicia

  • Lage Tuñas asegura que vulneraron "gravemente a Lofaxga ao nomear os tribunais por parte da máxima directiva de Turgalicia e non por parte da Dirección Xeral da Función Pública" 
  • O Portavoz da Área Institucional do PSdeG-PSOE recordou hoxe que “convocaron unha praza para titulados superiores e soprendentemente só se esixe o coñecemento de dez temas, cando para prazas do mesmo nivel na administracción autonómica se solicitan entre 70 e 80 temas”.
  • ”Mentres nas probas selectivas do grupo I de persoal laboral ou do grupo A de funcionarios se fan 3 ou 4 exercicios, neste caso faise só unha simple proba teórica-práctica sen máis específicar.” 
  • Lage Tuñas engade que “nas bases non se observa que se estableza ningunha garantía para asegurar o anonimato dos opositores nin garantía de que o exame, ese “suposto teóríco-práctico” non se vaia filtrar.”

Santiago de Compostela, 29 de novembro de 2011. O Portavoz da Área Institucional do Grupo Socialista José Manuel Lage esixiu hoxe á Xunta, na Comisión 1ª do Parlamento, que “non se vulnere a LOFAXGA, e se rectifique a política de acceso ao emprego público que está realizando o actual goberno galego”.

Mediante unha pregunta parlamentaria, o deputado socialista interesouse pola convocatoria dunha praza de xefe de área de xestión económica e persoal de Turgalicia, con carácter indefinido para a referida sociedade.

Lage Tuñas explicou hoxe que “da análise da convocatoria despréndese que non se cumpre o artigo 58 da Lei 16/2010, do 17 de decembro de organización e funcionamento da Administración Xeral e do Sector Público Autonómico de Galicia”.

O deputado do PSdeG engade que “o artigo 58 mencionado, establece que a selección do seu persoal, agás o directivo e demais excepcións previstas nesta lei, será realizada polo centro directivo competente en materia de función pública e seranlle aplicables as disposicións da lexislación galega sobre emprego público relativas a:
a) Composición e funcionamento dos tribunais ou das comisións de selección.b) Bases das convocatorias, ec) Probas de selección.”


Lage Tuñas sostivo que “debería ser logo a Dirección Xeral de Función Pública a que realizara a selección para cubrir esta praza ao non tratarse dun posto directivo e non a propia sociedade. Incúmprense polo tanto o artigo 58 da referida lei.”


O Portavoz da Área Institucional do PSdeG-PSOE recordou hoxe que “convocaron unha praza para titulados superiores e soprendentemente só se esixe o coñecemento de dez temas, cando para prazas do mesmo nivel na administracción autonómica se solicitan entre 70 e 80 temas”.

Mentres nas probas selectivas do grupo I de persoal laboral ou do grupo A de funcionarios se fan 3 ou 4 exercicios, neste caso faise só unha simple proba teórica-práctica sen máis específicar.”

Lage Tuñas engade que “nas bases non se observa que se estableza ningunha garantía para asegurar o anonimato dos opositores nin garantía de que o exame, ese “suposto teóríco-práctico” non se vaia filtrar.”

Os socialistas galegos constatan que “dende a chegada de Alberto Núñez Feijóo á presidencia da Xunta de Galicia a existencia de continuas anomalías e irregularidades na función pública é habitual, sin que se pare esta sangría”

Lage TuñaS engade que “algo cheira mal, xa que é unha convocatoria para unha praza de persoal indefinido que se preve resolver con unha simple proba teórico-práctica, cando nas probas selectivas do grupo I de persoal laboral ou do grupo A de funcionarios se fan 3 ou 4 exercicios. Esto cheira mal insisto”.


Estamos diante dunha convocatoria que recorda as peores prácticas clientelares e caciquís que xa se producen nas Deputacións provinciais de Pontevedra e Ourense, son as mesmas prácticas na Xunta de Galicia que nas Deputacións Provinciais de pontevedra e Ourense”, expón Lage Tuñas, que engade que "porque se chamativas son as bases e o proceso de teórica oposición para esta praza, o que xa é indefendible é o previsto para a suposta fase de concurso, onde non se especifica en que categoría se valora a experiencia, e onde se valora máis a experiencia en sociedades públicas que na propia administración, e onde se dispón que se valora a experiencia ante a AEAT, pero non na propia AEAT (Axencia Tributaria do Estado).”

“Os tribunais ou comisións de seleccións deben ser nomeados polo Director Xeral de Función Pública, e non pola conselleira-delegada de TURGALICIA, como se establece nas bases desta convocatoria, que por outra banda vulnera o artigo 58 da Lei 16/2010, de organización e funcionamento da Administración Xeral e do Sector Público Autonómico de Galicia”, explica José Manuel Lage.

Lage Tuñas defendeu, na súa intervención, a necesidade de “respectar as leis”, e denunciou que dende a chegada de Feijoo á Xunta de Galicia “os procesos selectivos de acceso ao emprego público estanse vendo enturbados por malas prácticas por parte dos novos xestores da administración pública galega”.

Lembrou que “casos como o do SERGAS, onde un opositor chegou a corrrexirse él mesmo o seu propio exame, puxeron na picota ao goberno galego en materia de función pública”.

Lage_tuas-ano_2011

Turgalicia-Función Pública-convocatoria dunha praza de persoal con carácter indefinido-2011.pdf Download this file

64421-INT Convocatoria prazas persoal indefinido en Turgalicia.pdf Download this file

Posted via email from Certo.gl, o xornal dixital de Barbanza e Noia

A Pobra: o Fotoclub Sálvora expón na casa da cultura dende o 16 de decembro

Ribeira: a Cofradía da Dorna ten asemblea xeral este sábado 3 de decembro

Media_httpfarm6static_lcmbu


Ribeira, 29 de novembro de 2011. Este sábado 3 de decembro de 2011 terá lugar a Asamblea Xeral Ordinaria de Socios da R. e I. Cofradía da Dorna. O citado acto celebrarase no local social (baixos do palco de Pedra do Malecón de Ribeira) ás 20:30 horas e terá como orde do día:

  1. Lectura e aprobación da acta anterior.
  2. Balance da Festa da Dorna 2011, LXIII Singladura.
  3. Presentación e aprobación de contas.
  4. Declaración do fin da presente lexislatura, anos 2010 e 2011.
  5. Apertura de un prazo para a presentación de candidaturas e normativa das mesmas.
Están citados a asistir todos os socios e socias da Asociación Cultural Real e Ilustre Cofradía da Dorna, segundo informou o actual presidente, Arturo González Mariño.


Posted via email from Certo.gl, o xornal dixital de Barbanza e Noia

Ribeira: o Concello homenaxea a Frinsa no seu medio século de vida cunha escultura onde naceu

  • Ramiro Carregal e Manuel Ruiz descubriron o monumento 


Ribeira, 29 de novembro de 2011.- Ribeira viviu no mediodía de hoxe un acto multitudinario na praza de España, co descubrimento dunha escultura conmemorativa coa que o Concello quere honrar o medio século de traxectoria da empresa Frinsa no mesmo lugar  que veu nacer a esta conserveira hai xusto 50 anos. 

O alcalde, Manuel Ruiz Rivas; o presidente de Frinsa, Ramiro Carregal Rey; autoridades, traballadores da empresa e cidadáns en xeral acudiron a un evento que comezou coa interpretación por parte do profesor de violonchelo do conservatorio de música local, Ángel Blanco, do preludio da suite para violonchelo nº1 en sol maior, BWV 1007 de Bach. 

Acto seguido, subiu ao estrado o autor da escultura, o malpicán Miguel Couto quen describiu a súa creación (dúas mulleres sostendo un cesto de peixe), para a continuación intervir o alcalde, quen destacou que “o pasado, o presente e o futuro de Riveira non se entende sen o mar, pero tampouco se entende sen Frinsa”. A este respecto, destacou o mérito dunha empresa que aposta firmemente por Riveira, “a pesares de que nin o produto co que traballa é de aquí nin tampouco o vende aquí”. 

Pola súa parte, Ramiro Carregal Rey, tras narrar as orixes e a traxectoria de Frinsa, afirmou que a familia Carregal Varela non deslocalizará a súas factorías no estranxeiro como teñen feito outras industrias do ramo, senón que apostará pola innovación tecnolóxica. 

Despois de que o rexedor lle entregara a este unha reprodución en pequena escala da escultura e un diploma, chegou o turno de descubrir a figura, de máis de 3 metros de altura e fabricada en bronce á cera perdida.  

Para finalizar, a Coral Polifónica, dirixida por Enrique Paisal, cantou diversos temas e o colofón foi o himno galego.

Relacionadas:


Ribeira: Grelo de Ouro para o presidente de Frinsa, Ramiro Carregal



 


Posted via email from Certo.gl, o xornal dixital de Barbanza e Noia

Rianxo: xa está en marcha a depuradora de Leiro

  • A Xunta está a traballar na mellora do saneamento integral do concello rianxeiro

  • Augas de Galicia está a estudar a ampliación do colector interceptor e a EDAR de Rianxo co fin de solucionar os problemas de infiltración, fallos nos bombeos ou verteduras industriais
  • A redacción do plan de saneamento local da marxe dereita da ría de Arousa, nos Concellos de Boiro e Rianxo, está practicamente rematada, cun investimento de 730.574 euros
  • A nova EDAR beneficiará a preto de 670 habitantes dos núcleos de Cabanas, A Igrexa, Meiquiz, Or, Raño, Rial, Palleiro e Pedreira

Rianxo, 29 de novembro de 2011.- O conselleiro de Medio Ambiente, Territorio e Infraestruturas, Agustín Hernández, presidiu hoxe a posta en servizo da estación depuradora de augas residuais (EDAR) de Leiro, no Concello de Rianxo. Na visita tamén estivo presente o alcalde de Rianxo, Adolfo Francisco Muíños Sánchez.

O Goberno galego, a través de Augas de Galicia, cos impostos de todos os galegos, realizou unha achega económica de máis de 1,5 millóns de euros para a execución desta infraestrutura hidráulica no concello rianxeiro. Trátase dunha depuradora biolóxica de fangos activados mediante o sistema de aireación prolongada con eliminación de nitróxeno e fósforo, estabilización e deshidratación de fangos. Para o tratamento primario, esta infraestrutura conta con reixas para a retención de sólidos, desareador e desengraxador; para o tratamento biolóxico, tanque de aireación; e para a liña de fangos, sistema de bombeo.

A nova EDAR beneficiará a preto de 670 habitantes dos núcleos de Cabanas, A Igrexa, Meiquiz, Or, Raño, Rial, Palleiro e Pedreira.

Plan de saneamento local
Por outra parte, no que se refire ao plan de saneamento local elaborado por Augas de Galicia para a marxe norte da ría de Arousa, Agustín Hernández explicou que no caso concreto de Rianxo o diagnóstico realizado revela que o colector interceptor e a EDAR actual son insuficientes, xa que a partir do inventario detallado da rede de saneamento detectáronse múltiples problemáticas. Hai un exceso de auga na rede, debida á elevada infiltración, sobre todo no rural, e á entrada de augas pluviais. Tamén se constataron fallos no funcionamento dos bombeos e inventariáronse verteduras industriais con cargas elevadas tanto á rede como directamente ao medio receptor. Isto afecta ao rendemento da depuradora, e no medio receptor, as verteduras prodúcense preto de zonas de marisqueo tanto a pé como a flote.

A Xunta de Galicia, como solución aos problemas citados anteriormente, está a traballar en propostas encamiñadas á redución dos caudais que se reciben na rede de saneamento, así como na ampliación do colector interceptor e a EDAR. Concretamente estanse a estudar as seguintes actuacións:

• Ampliación do colector interceptor nun tramo de 1 km de lonxitude, con diámetros comprendidos entre os 800 e os 1.200 mm.
• Construción dun depósito de retención de aproximadamente 800 m3, ao que se lle dará saída mediante un novo bombeo, que actuará como bombeo de cabeceira da EDAR.
• Ampliación da capacidade de tratamento da EDAR, mediante o desdobramento da súa liña de tratamento actual, dotándoa dun novo pretratamento, dado o mal estado do actual.
• Redución do caudal que chega á rede, eliminando auga pluvial e caudal procedente de infiltración. Para iso será necesaria a construción de novos pozos de rexistro estancos, substitución de tramos de colector, e construción de novos colectores para augas fecais, destinando os existentes a pluviais e eliminando as acometidas de fecais que reciban.

A día de hoxe foi contratada a redación dos plans de saneamento local das rías de O Burgo e de Arousa, o que supuxo un importante esforzo inversor, de máis de 4 millóns de euros de orzamento de adxudicación. Cabe citar que a redacción do plan de saneamento local da marxe dereita da ría de Arousa, nos Concellos de Boiro e Rianxo, está practicamente rematada, cun investimento de 730.574 euros.

Posted via email from Certo.gl, o xornal dixital de Barbanza e Noia

Boiro: teatro con Talía e activismo documental de Peter Joseph para esta fin de semana

Boiro, 29 de novembro de 2011. Entre as actividades culturais programadas para esta fin de semana en Boiro destacan:

Venres 2 decembro
En dúas sesións (ás 18 e 20 horas)
Talia Teatro con "Carta urxente para Máximo Toxo"
Casa da Cultura Ramón Martínez López
Teatro a partir de 5 anos

Esta obra infantil trascorre arredor de dous protagonistas, Belinda e Máximo. Belinda é unha carteira que debe asegurarse que a carta importantísima que ten para Máximo chega ao seu destinatario en persoa. A tarefa non é doada porque Máximo é un escritor fuxidío  que sempre está metido na casa e non quere relacionarse con nadie.

- Sábado 3 decembro
18 horas
Documental Zeitgeist
Centro Social de Boiro

Este documental está escrito, dirixido e producido por Peter Joseph no ano 2007. Foi premiado con varios recoñecementos de carácter internacional; entre eles o Artivist Film Festival 2007. O documental céntrase nas actuais institucións sociais dominantes, ao tempo que explora as estructuras de poder actuais.

Posted via email from Certo.gl, o xornal dixital de Barbanza e Noia

Rianxo: curso de trompa do 3 ao 6 de decembro no auditorio a cargo de Benjamín Iglesias

Benjamin_Iglesias_trompa

Rianxo, 29 de novembro de 2011. O curso de trompa impartido por Benjamín Iglesias terá lugar no auditorio de Rianxo os días 3, 4 e 6 de decembro de 10.00 a 14.00 e de 16.00 a 20.00, cun concerto de clausura o último día ás 20.30h. O curso está dirixido a trompistas de tódolos niveis, sen límite de idade. O curso dispón de 14 plazas para alumnos activos e para os alumnos oíntes non hai límite de prazas. O prezo para os alumnos activos socios da Escola de Música de Rianxo: 50€, alumnos activos non socios: 60€, alumnos oíntes socios da escola 10€ e alumnos oíntes non soncios 15€. (CCC: 2080 5495 95 3040106048)

Os interesados deberán enviar o xustificante de pago, xunto cos seus datos persoais, así como as obras ou estudos que van traballar durante o curso ó seguinte mail: escolademusicaderianxo@gmail.com.

Pode que tamén lle interese:


Posted via email from Certo.gl, o xornal dixital de Barbanza e Noia

Ribeira: a luguesa Paulova colga "Tremenda Fauna" dende o sábado 3 de decembro en O Faiado

Flyer

  • A inauguración é o sábado 3 de decembro ás sete da tarde en O Faiado, na rúa de Galicia 82

Ribeira, 29 de novembro de 2011. A artista luguesa Paulova (1983) presenta a súa exposición "Tremenda Fauna" en O Faiado (tenda-galería) a partires deste vindeiro sábado, 3 de decembro.

Na mostra, Paulova presenta pezas moi particulares coa intención de conectar o popular e recoñecible polo espectador mediante o emprego de estratexias kitsch. A artista di que é preciso "tender unha ponte de entendemento entre o público desligado da chamada elite e a arte contemporánea".

A serie "Lacón cañí" é de fotografías, a escultura emprégase en "Christmas Vellocino" e a pintura é a arte escollida para a serie "Labores marcianas".


Pode que tamén lle interese:



Presentación de libro: o xoves 1 de decembro, "Sempre Riveira"


Charla: o 10 de decembro, sobre Cunqueiro e Novoneyra no Ateneo

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical