19.6.12

Rianxo: o venres 29 de xuño preséntase o primeiro volume da obra completa de Manuel Antonio

Media_httpfarm3static_hdbjc

Rianxo, 19 de xuño de 2012. Non foi sen tempo. 82 anos despois do seu pasamento (Manuel Antonio morreu en 1930 en Asados, de tuberculose, con tan só 30 anos), a vila de Rianxo, berce deste inconformista e independentista republicano galego, acolle a presentación do primeiro volume da súa obra completa, que edita en conxunto a Real Academia Galega e a Fundación Barrié.

A presentación terá lugar o venres 29 de xuño ás 20:30 horas, no auditorio de Rianxo. Alí agardan contar con Xosé Luis Axeitos, rianxeiro secretario de Real Academia e editor desta obra; Diego Rodríguez, bibliotecario da Fundación Barrié; Xesús Santos Suárez, escritor e socio de Barbantia; e Adolfo Muíños, Alcalde de Rianxo.

 

Posted via email from Certo.gl, o xornal dixital de Barbanza e Noia

Ribeira: clausurado o programa de dinamización dos vellos

Ribeira, 19 de xuño de 2012.- Nin sequera o partido da Selección na Eurocopa impediu que o salón de actos do Auditorio Municipal se enchera no acto de clausura do Programa de Dinamización dos nosos Maiores (antes da estrafalaria e enganosa linguaxe politicamente correcta coñecidos tamén como vellos e vellas): unha iniciativa da Concellería de Servizos Sociais e Promoción Social que incide na mellora da calidade de vida e a posta en valor do colectivo de xubilados do municipio.

 

Ao acto, que deu inicio ás 20.30 horas, acudiron en representación do Concello a tenente de alcalde Lola Elorduy; o edil responsable dos Servizos Sociais, Vicente Mariño; e a concelleira de Cultura, Elvira Pisos.  A xefa de servizo, María Francisco Vidal, foi a encargada de presentar un evento non que non podía faltar a música, o baile e mesmo a poesía.

 

Pandeiretas

Así, en primeiro lugar a mestra de cerimonias deu paso á actuación das participantes nos tres obradoiros de música tradicional “As pandereiteiras” desenvolvidos en colaboración coa Asociación de Amas de Casa nas parroquias de Palmeira, Ribeira e Aguiño, que ofreceron os temas Muiñeira de Alén, Jota de Alén e Vals e Trastrás de Toutón, respectivamente.

 

A continuación, dúas formacións pertencentes ao grupo de baile Aires da Dorna, da Asociación de Amas de Casa, interpretaron as pezas “Ailalelo” e “A Muiñeira de Cabana”.

 

Acto seguido, unha selección do alumnado do Obradoiro de Enriquecemento Educativo efectuou unha breve exposición sobre “As Dornas”, traballo realizado polos alumnas e alumnas desta iniciativa impartida polas integrantes do voluntariado social Maruja Gago e Cruz Rivadulla. Esta sección contou incluso coa lectura de diversas poesías alusivas á embarcación tradicional e á vida mariñeira.

 

Obsequios

Despois deu comezo a un segundo bloque no que se subiron ao escenario Lola Elorduy e Elvira Pisos, os cales, en primeiro lugar, foron os encargados de entregar un obsequio a Clara Feliz para dar testemuña dos parabéns de todos os presentes polos 80 anos de matrimonio que están a punto de cumprir dúas persoas que viven no municipio: Sebastián Feliz Paradelo, de 103 anos, e María Amparo Tato Gómez, de 99.

 

Igualmente se agasallou a Maruja Gago pola súa vinculación cos obradoiros de enriquecemento educativo dende a súa formación hai 14 anos, así como no programa de voluntariado local.

 

E a continuación tributouse a unha das alumnas máis lonxevas das actividades que forman o Programa de Dinamización: a veciña de Aguiño Francisca Santamaría Crujeiras, de 88 anos de idade.  Por último, e despois da intervencións de Mariño de Bricio e Elorduy Callón, procedeuse á entrega de diplomas.



Charlas: os mércores de xuño, bebés felices


Xoves 21 de xuño: charla sobre Lei prevención de alcohol entre menores


Natureza: Adega denuncia a mala xestión das praias da Corna e Coroso


 


Posted via email from Certo.gl, o xornal dixital de Barbanza e Noia

Ribeira: licitada a obra do paseo da beira litoral de Touro

Paseo_touro

  • Enmarcado todo no macro-proxecto Riveira Atlántica 2015, a redacción, execución e posterior construción das obras contan cun orzamento total de 912.160,34 euros.
  • Establécese un prazo de 3 meses para a redacción do proxecto e 8 meses para a execución da obra.
  • O prazo para presentar as ofertas remata tras 26 días naturais contados a partir do día seguinte ao da publicación do anuncio no Boletín Oficial da Provincial.
  • O proxecto Riveira Atlántica 2015, cofinanciado con Fondos FEDER da Unión Europea,  ten por obxecto fundamental facer do concello riveirense un referente turístico de Galicia en base a criterios de rendibilidade e sustentabilidade.

 

Ribeira, 19 de xuño de 2012. O Boletín Oficial da Provincia da Coruña publica hoxe o anuncio para a contratación da “Redacción do proxecto de execución e a posterior construción do paseo marítimo-terrestre da beira litoral de Riveira”, cofinanciado con Fondos FEDER da Unión Europea, dentro do eixo 5 de “Desenvolvemento sostible rural e urbano”. Enmarcada no proxecto paraugas Riveira Atlántica 2015, conta cun orzamento total de licitación de 912.160, 34 euros, distribuídos en dúas fases: de redacción (22.000 euros) e de construción (890.160, 34 euros).

O prazo de execución marca un máximo de 3 meses para a redacción do estudo e 8 meses para a execución final da obra. O procedemento é aberto e de tramitación ordinaria, con multiplicidade de criterios de adxudicación.

No que se refire á data límite para a presentación da documentación, establécese un período de 26 días naturais contados a partires do día seguinte ao da publicación do anuncio de licitación no BOP da Coruña ou no perfil do contratante, na páxina web oficial do Concello (www.riveira.es). O lugar de presentación é o Rexistro Xeral do Concello de Riveira, sito na praza do Concello, nº 1. O lugar, data e hora na que se celebrará o acto público de apertura das ofertas presentadas publicarase no “perfil do contratante” e/ou no taboleiro de anuncios da Casa Consistorial.

1.500 metros para un paseo accesible, educativo, recreativo e sustentable

A actuación proposta céntrase en mellorar o bordo litoral comprendido entre o porto de Ribeira e a Praia de Area de Secada, tratando de potenciar o uso recreativo e de lecer da zona. Trátase dunha actuación cun paseo de preto de 1.500 metros, que se realizará en materiais integrados coa contorna. As accións concretas que se prevén executar serán:

- Mellora da accesibilidade peonil, con especial atención ás persoas con mobilidade reducida.

- Promoción da mobilidade sustentable, a través da instalación dun carril bici.

- Mellora da sinalización e a información ao longo do paseo, utilizando sistemas innovadores de información.

- Localización de puntos limpos en tramos concretos do paseo.

- Deseño de distintos servizos a visitantes con base no uso das novas tecnoloxías: xeo-referenciación.

- Actuacións de mellora do mobiliario urbano con fins educativos e recreativos.

Salientar o turístico de Ribeira, puntal para o crecemento socio-económico

O propósito xeral deste proxecto de longo percorrido é a transformación  do Concello de Ribeira nun destino turístico de primeira orde baseado nos seus propios recursos naturais, patrimoniais e industriais. O desenvolvemento integral do proxecto contribuirá de forma directa ao crecemento do emprego e á diversificación da actividade económica, partindo da rexeneración de dúas unidades paisaxísticas con identidade diferenciada: a dinámica fluvial propia da área litoral interior da contorna rural e a dinámica marítima do espazo urbano.

Os principais obxectivos estratéxicos céntranse na promoción económica, na creación de emprego e oportunidades comerciais a través da diversificación produtiva e mellora das infraestruturas e servizos locais, na calidade ambiental e a protección da contorna natural e o patrimonio cultural, fomentando ao mesmo tempo a Sociedade da Información e universalización do acceso ás TIC, facendo fincapé na conciliación familiar e a cohesión social.


Antes, en Certo:





https://twitter.com/Certo/status/215079086282899457

Posted via email from Certo.gl, o xornal dixital de Barbanza e Noia

Noia: do 26 de xuño ao 1 de xullo, I Campus de Verán de Patinaxe Artística e Tecnificación

 

Pode que tamén lle interese:


Andainas: a seguinte, por San Lois, o 23 de xuño


III Trofeo de Atletismo: este sábado 23 de xuño. Inscricións ata 21 de xuño




Posted via email from Certo.gl, o xornal dixital de Barbanza e Noia

Noia: do 26 de xuño ao 1 de xullo, I Campus de Verán de Patinaxe Artística e Tecnificación

Noia_campus-patinaxe

 

Pode que tamén lle interese:


Andainas: a seguinte, por San Lois, o 23 de xuño


III Trofeo de Atletismo: este sábado 23 de xuño. Inscricións ata 21 de xuño




Posted via email from Certo.gl, o xornal dixital de Barbanza e Noia

Boiro: as festas do Verán van do venres 29 de xuño ao mércores 4 de xullo

Media_httpwwwboiroorg_hgdqd

[[posterous-content:pid___0]]https://twitter.com/galiciaenfureci/status/214436007418925056








Posted via email from Certo.gl, o xornal dixital de Barbanza e Noia

Boiro: as festas do Verán van do venres 29 de xuño ao mércores 4 de xullo

Media_httpwwwboiroorg_cgays

Programa_Festas_de_Boiro_2012.pdf Download this file
https://twitter.com/galiciaenfureci/status/214436007418925056







https://twitter.com/Certo/status/214773586320302081

Posted via email from Certo.gl, o xornal dixital de Barbanza e Noia

Twitter

Related Posts with Thumbnails Banner: Regale selva tropical